Starfsmenn Vegagerðarinnar skoðuðu vettvang rútuslyssins á Suðurlandi í gær og telja ekki að vegurinn hafi gefið sig undan rútunni.

Þetta segir G. Pétur Matthíasson, upplýsingafulltrúi Vegagerðarinnar, í samtali við mbl.is.

Lögreglan er enn að rannsaka málið en Jón Gunnar Þórhallsson yf­ir­lög­regluþjónn á Suður­landi, sagði í fyrst í sam­tali við mbl.is að ummerki á veginum gæfu vísbendingar um orsök.

Í samtali við Vísi seinna er haft eftir honum að vísbendingar séu uppi um að vegurinn hafi gefið sig að hluta.

Frétt af mbl.is

Ummerki á vegi gefa vísbendingar um orsök

Hér má sjá kant­inn á veg­in­um. Ljósmynd/Jónas

Of snemmt að segja til um ástæður

G. Pétur segir hins vegar að vegurinn hafi verið í góðu lagi þó hann sé vissulega mjór.

„Mínir menn sáu ekki þess merki að vegurinn hefði gefið sig. Rútan er þarna utarlega á mjóum vegi, það eru lélegar sjónlengdir þarna fram undan, en við sjáum þess ekki merki að vegurinn sjálfur hafi farið undan rútunni,“ segir hann.

Hann segir að það eigi eftir að rannsaka orsök slyssins og að Vegagerðin muni halda áfram að fara yfir málið. Of snemmt er að segja til um ástæður slyssins að hans mati.

Frétt af mbl.is

Þrír köstuðust útbyrðis: „Ég eins og skopparakringla“

Tengdar fréttir

Rútuslys á Rangárvallavegi

Myndin farin að skýrast

• Flestir á batavegi eftir rútuslysið
• Brekkan var lækkuð og beygjan lagfærð
• Áróður um belti beinst frekar að ferðamönnum
• Skýrslutökur halda áfram í vikunni

» Fleiri tengdar fréttir

• Blogga um frétt