Veigar Hrafn hlaut hæstu einkunn í Flensborg
Setja bókamerki
/frimg/1/53/67/1536768.jpg)
Veigar Hrafn Sigþórsson hlaut hæstu einkunn í Flensborgarskólanum í Hafnarfirði sem í dag útskrifaði 103 nemendur.
Veigar fékk einkunnina 9,55 og hlaut raungreinarverðlaun Háskólans í Reykjavík fyrir framúrskarandi árangur í raungreinum á stúdentsprófi. Hann hlaut einnig styrk frá Rio Tinto fyrir góðan árangur í raungreinum, verðlaun frá skólanum fyrir framúrskarandi árangur í ensku, þýsku og íþróttaafreksgreinum en Veigar Hrafn er afreksmaður í sundi.
Þá hlaut hann viðurkenningu frá Efnafræðifélagi Íslands sem veitt eru nemendum sem sýna afburða árangur í efnafræði og viðurkenningu frá Rótarýklúbbi Hafnarfjarðar.
Birgitta varð semidúx
Birgitta Ingólfsdóttir varð semidúx Flensborgarskólans með einkunnina 9,43. Birgitta hlaut menntaverðlaun Háskóla Íslands fyrir framúrskarandi árangur á stúdentsprófi og í íþrótt sinni, sundi.
Hún fékk einnig verðlaun frá skólanum fyrir framúrskarandi árangur í íþróttaafreksgreinum, íslensku, ensku og spænsku. Þá hlaut hún viðurkenningu frá stærðfræðafélaginu fyrir góðan árangur í stærðfræði.
Þá voru sex nýnemar, þau Daði Þór Friðriksson, Adam Leó Tómasson, Adam Ernir Níelsson, Heiðar Bjarki Davíðsson, Katrín Sara Rúnarsdóttir og Jóhannes Kristbjörn Jóhannesson, verðlaunaðir fyrir frábæran námsárangur á fyrsta námsári.
Alvarleg netárás á Wise
Víkingar komnir yfir 800 milljónir í greiðslur
Beint: Ný ríkisstjórn tekin við völdum
Bjarni: „Útilokað að þetta geti gengið upp“
„Mér finnst gamla Samfylkingin komin aftur“
Ný ríkisstjórn kynnt á morgun
