Einn einstaklingur til viðbótar hefur verið úrskurðaður í gæsluvarðhald vegna alvarlegs ofbeldisbrots sem átti sér stað í heimahúsi í Reykholti í Biskupstungum undir lok síðasta mánaðar.
Sá sem um ræðir er karlmaður.
Öðrum einstaklingi hefur aftur á móti verið sleppt, að sögn Jóns Gunnars Þórhallssonar, yfirlögregluþjóns hjá lögreglunni á Suðurlandi.
Samtals eru þrír Íslendingar í gæsluvarðhaldi vegna málsins, tveir karlmenn og ein kona, og rennur það út 3. júní hjá þeim öllum.
Spurður segir Jón Gunnar að þeir sem eru í haldi séu á öllum aldri. Sá sem varð fyrir ofbeldinu er aftur á móti eldri maður með maltnesk ríkisfang. Brotin varða meinta frelsissviptingu, líkamsárás og fjárkúgun.
Skýrslutökur eru áfram í gangi og gengur rannsóknin vel, að sögn Jóns Gunnars.