„Ef þið ætlið að skamma einhvern þá skuluð þið skamma mig,“ sagði Guðlaugur Þór Þórðarson, umhverfis-, orku-, og auðlindaráðherra, er hann ávarpaði fólks á Loftslagsdeginum sem haldinn er í Hörpu í dag.
Ráðherrann kom á hlaupum af ríkisstjórnarfundi sem hafði dregist á langinn.
Hóf hann ávarpið á að minnast á stöðu nýrrar aðgerðaáætlunar Íslands í loftslagsmálum sem enn hefur ekki litið dagsins ljós þrátt fyrir að Ísland nái ekki að standa við alþjóðlegar skuldbindingar sínar í loftslagsmálum.
Sagði ráðherrann áætlunina vissulega hafa tekið gríðarlega langan tíma en að í henni fælust atriði sem hefðu ekki verið gerð áður.
Mannkynið hefði ekki áður tekið á sig slíkt verkefni áður og sömuleiðis hafi íslensk stjórnvöld ekki unnið slíkt verkefni í svo nánu samstarfi við atvinnulífið áður.
„Þegar þú ert að byrja á einhverju sem hefur ekki verið gert áður þá tekur það lengri tíma,“ sagði Guðlaugur.
„Við verðum ekki dæmd á því hvenær aðgerðaáætlunin kom fram, eða hvenær hún er uppfærð, við verðum dæmd á því hvernig gengur.“