Halldór áfram formaður loftslagsráðs
Setja bókamerki
Nýtt loftslagsráð hefur tekið til starfa á vegum umhverfis-, orku- og loftslagsráðuneytisins. Því er ætlað að vera stjórnvöldum ráðgefandi um helstu markmið Íslands í loftslagsmálum, en er einnig ætlað að sinna aðhaldi og eftirliti með stjórnvöldum. Ráðið var fyrst stofnað 2018 í kjölfar breytinga á lögum um loftslagsmál.
Guðlaugur Þór Þórðarson, umhverfis-, orku- og loftslagsráðherra, skipar ráðið og eiga meðlimir þess að búa yfir yfirgripsmikla þekkingu á sviði loftslagsmála.
Samkvæmt tilkynningu ráðuneytisins mun Halldór Þorgeirsson, fyrrum yfirmaður hjá skrifstofu Loftslagssamnings Sameinuðu þjóðanna (UNFCCC), vera áframhaldandi formaður ráðsins og varaformaður ráðsins verður áfram Brynhildur Davíðsdóttir, prófessor í umhverfis- og auðlindahagfræði við Háskóla Íslands.
Aðrir fulltrúar ráðsins eru skipaðir fyrir hönd atvinnulífsins, háskólasamfélagsins, sveitarfélaga og umhverfisverndarsamtaka, auk annarra:
- Halldór Björnsson, loftslagsfræðingur og formaður vísindanefndar um loftslagsmál
- Helga Jóhanna Bjarnadóttir, sviðsstjóri hjá Eflu, f.h. Samtaka atvinnulífsins
- Stefán Þór Eysteinsson hjá bæjarráði Fjarðabyggðar, f.h.Sambands íslenskra sveitarfélaga
- Auður Alfa Ólafsdóttir sérfræðingur hjá Alþýðusambandi Íslands, f.h. heildarsamtaka launþega
- Bjarni Már Magnússon, prófessor við Háskólann á Bifröst
- Bjarni Diðrik Sigurðsson, prófessor við Landbúnaðarháskóla Íslands, f.h.Samstarfsnefndar háskólastigsins
- Þorgerður María Þorbjarnardóttir, jarðfræðingur, f.h. umhverfis- og náttúruverndarsamtaka.
Varafulltrúar ráðsins eru Helga Ögmundardóttir, dósent við Háskóla Íslands og Ingibjörg Svala Jónsdóttir, prófessor við Háskóla Íslands.
„Þetta er ríkisstjórn almannahagsmuna“
Þetta eru ráðherrar ríkisstjórnarinnar
Var engin kristnitaka árið 1000?
Bjarni afhenti Kristrúnu lyklana
Lyklaskipti í ráðuneytunum
Fyrsti blaðamannafundurinn í heild sinni
„Aðstæður í stjórnmálum geta breyst á einni nóttu“
„Hagræðingarmál eru í fyrsta sæti“