Eins og staðan er núna mun Suðurstrandarvegur ekki lokast vegna hraunflæðis í nótt. Þó er það háð því að hraunflæði verði samt eða minna út nóttina.

Þetta staðfestir Hjördís Guðmundsdóttir, upplýsingafulltrúi almannavarna í samtali við mbl.is.

Þá segir hún stöðuna ekki hafa litið vel út í dag en blessunarlega hafi hægst á hraunflæði og varnargarðarnir staðið fyrir sínu. Fyrr í dag höfðu allir vegir til Grindavíkur lokast vegna hraunflæðis nema Suðurstrandarvegur.

Frétt af mbl.is

„Grindavík hefði varla verið til eftir þennan dag“

Halda í góðu fréttirnar

„Það eru svona jákvæðu fréttir dagsins,“ segir Hjördís og játar því að það hafi verið magnað að sjá varnargarðana standa fyrir sínu.

Fyrr í kvöld ræddi mbl.is við Víði Reynisson, sviðsstjóra almannavarna þar sem hann tók í sama streng og sagði einfaldlega að varnargarðarnir hefðu bjargað Grindavík.

„Grinda­vík hefði varla verið til eft­ir þenn­an dag hefðu varn­argarðarn­ir ekki verið,“ sagði Víðir.

Frétt af mbl.is

„Erum orðin þjálfuð í því að leggja veg yfir tiltölulega nýtt hraun“

Frétt af mbl.is

Beint: Eldgos á Reykjanesskaga

Tengdar fréttir

Eldvirkni á Reykjanesskaga

Kostnaður áætlaður 8,6 milljarðar

• Auknar líkur á eldgosi innan Grindavíkur
• Þorbjörn snýr heim: Öll flutt úr Grindavík
• Styrkja búseturétthafa í Grindavík
• Landris helst áfram stöðugt

» Fleiri tengdar fréttir

• Blogga um frétt