Einn handtekinn vegna líkamsárásar í Grafarholti

Einn var handtekinn eftir að lögreglu barst tilkynning um líkamsárás í Grafarholti. Var viðkomandi laus að lokinni skýrslutöku. 

Þetta kemur fram í dagbók lögreglunnar á höfuðborgarsvæðinu.

Alls voru 45 mál skráð í Löke, kerfi lögreglunnar, frá klukkan 17 í gær til klukkan 5 í morgun. Eitthvað var um aðstoðarbeiðnir vegna veikinda og svo vegna fólks í annarlegu ástandi.

Í miðborginni var maður handtekinn fyrir að hlýða ekki fyrirmælum lögreglu. Var hann laus að loknum viðræðum við á lögreglustöð.

Í Hafnarfirði voru tveir ökumenn stöðvaðir, annar grunaður um akstur undir áhrifum fíkniefna og var hinn án ökuréttinda.

Þá voru skráningarnúmer tekin af tveimur bifreiðum vegna vanrækslu á aðalskoðun og vangoldinna trygginga.

• Blogga um frétt