„Við erum orðin þjálfuð í því að leggja veg yfir tiltölulega nýtt hraun, segir G. Pétur Matthíasson, samskiptastjóri Vegagerðarinnar, í samtali við mbl.is um það ef landleiðin til Grindavíkur lokast.
Suðurstrandavegur stendur einn eftir opinn til Grindavíkur. Víðir Reynisson, sviðsstjóri almannavarna, sagði í samtali við mbl.is fyrr í kvöld að líklega yrði ljóst um miðnætti hvort að vegurinn lokist.
„Á meðan gosið er í gangi gerum við ekki neitt, við þurfum bara að bíða eftir að það klárist og þá metum við stöðuna,“ segir Pétur aðspurður hvort Vegagerðin sé með áætlanir ef landleiðin lokist.