Teygir sig suður fyrir Hagafell og gæti stækkað
Setja bókamerki
Syðsti hluti gossprungunnar sem opnaðist klukkan 12.46 í dag teygir sig rétt suður fyrir Hagafell, norðan Grindavíkur.
Gosið er ekki talið hafa náð hámarki, jarðskjálftar og aflögun mælast enn á svæðinu og því ekki útilokað að sprungan haldi áfram að stækka.
Þetta segir Jóhanna Malen Skúladóttir, náttúruvársérfræðingur Veðurstofu Íslands.
Glögglega má sjá hvernig sprungan hefur stækkað á vefmyndavélum mbl.is.
Syðsti hlutinn sunnan vatnaskila
Samkvæmt síðustu mælingum var gossprungan talin 2,5 km að lengd. Hefur hún aðeins stækkað síðan þá.
„Syðsti hluti sprungunnar er sunnan vatnaskila og þar af leiðandi rennur hraun til suðurs en það er líklegt að það flæði þá með fram görðum vestan Grindavíkur,“ segir Jóhanna í samtali við mbl.is.
Hugsanlega þúsund rúmmetrar á sekúndu
Þyrla Landhelgisgæslunnar með jarðvísindamenn um borð er enn í loftinu að meta aðstæður og liggja nákvæmar mælingar á framleiðni eldgossins ekki fyrir.
En samkvæmt ónákvæmu mati gæti framleiðni gossins verið um þúsund rúmmetrar á sekúndu. Þykir eldgosið nokkuð kraftmikið, að sögn Jóhönnu.
Hópur fólks reyndi að komast að eldgosinu
Þarf að koma til móts við ólíkar þarfir lækna
Pútín reynir allt til að forðast aðra herkvaðningu
/frimg/1/53/8/1530849.jpg)
Fatlaður drengur fær ekki þjónustu í verkfalli
Dómur þyngdur um þrjú ár
Hraun kemur úr þremur gígum: Virknin stöðug
Nýtt fangelsi í landi Stóra-Hrauns tilbúið 2028
