Þórkatla aflýsir skilafundum í Grindavík
Setja bókamerki
Fasteignafélagið Þórkatla hefur í ljósi aðstæðna í Grindavík aflýst öllum skilum á eignum til félagsins sem fara áttu fram í vikunni.
Þetta kemur fram í tilkynningu frá Þórkötlu en þar segir að allir þeir sem boðaðir höfðu verið á fund félagsins hafi fengið skilaboð þess efnis.
„Töluverður fjöldi sérfræðinga á vegum Þórkötlu var staddur í Grindavík í dag þegar rýming hófst og fylgdu þeir leiðbeiningum almannavarna um að halda þegar í stað burt úr bænum. Þórkatla fylgist áfram náið með þróun mála og mun laga verkferla sína að aðstæðum á meðan ekki er óhætt að vera í Grindavík,“ segir í tilkynningunni.
Þar kemur einnig fram að hugur starfsfólks Þórkötlu sé hjá bæjarbúum, fólki sem starfi í nágrenninu og þeim öflugu viðbragðsaðilum sem stýri aðgerðum á vettvangi.
„Hagræðingarmál eru í fyrsta sæti“
Þetta eru ráðherrar ríkisstjórnarinnar
Telur sér ekki heimilt að úthluta Helga verkefni
/frimg/1/53/78/1537870.jpg)
Í kaffi með Vigdísi
Hrikalegt að heyra fréttirnar
Fyrsti blaðamannafundurinn í heild sinni
Bjarni: „Útilokað að þetta geti gengið upp“