Enn dvelja þrír íbúar í Grindavík, þvert á móti tilmælum lögreglu. Ekki hefur komið til þess að lögregla hafi beitt valdi í aðgerðum sínum við að rýma bæinn. 

Þetta skrifar lögreglan á Suðurnesjum í færslu á Facebook. Eldgos hófst á Reykjanesskaga nærri Sundhnúk norðan við Grindavík klukkan 12:46.

Gossprungan er síðan búin að stækka til suðurs eins og mbl.is hefur greint frá. Gæti hún stækkað enn meir.

Frétt af mbl.is

Teygir sig suður fyrir Hagafell og gæti stækkað

Bærinn rýmdur

Grindavík, Bláa lónið og orkuverið í Svartsengi voru rýmd fyrir hádegi í dag. Sú aðgerð gekk vel að sögn lögreglu, en þó dvelja enn þrír íbúar í Grindavíkurbæ.

Ríkislögreglustjóri hefur í samráði við lögreglustjórann á Suðurnesjum lýst yfir neyðarstigi vegna eldgossins.

Fréttamönnum og blaðamönnum, m.a. frá mbl.is, hefur verið hleypt nærri eldstöðvunum í fylgd viðbragsaðila. Þeir eru með viðeigandi búnað og blaðamannapassa.

„Hamfarasvæðið er að öðru leyti lokað öðrum en viðbragðsaðilum. Lokunarpóstur er við gatnamót Grindavíkurvegar og Reykjanesbrautar og sem fyrr á Nesvegi og Suðurstrandarvegi,“ segir í færslu lögreglu.

Frétt af mbl.is

Beint: Eldgos á Reykjanesskaga

Tengdar fréttir

Eldvirkni á Reykjanesskaga

Kostnaður áætlaður 8,6 milljarðar

• Auknar líkur á eldgosi innan Grindavíkur
• Þorbjörn snýr heim: Öll flutt úr Grindavík
• Styrkja búseturétthafa í Grindavík
• Landris helst áfram stöðugt

» Fleiri tengdar fréttir

• Blogga um frétt