Allar sveitir á Norðurlandi kallaðar að Fnjóská

Allar björgunarsveitir á Norðurlandi, frá Skagafirði yfir í Aðaldal, hafa verið kallaðar út vegna leitar að manneskjunni sem féll í Fnjóská.

Að sögn Jóns Þórs Víglundssonar, upplýsingafulltrúa Landsbjargar eru sveitirnar sjö til átta í heild sem kallaðar hafa verið út. 

Frétt af mbl.is

Leitað að manneskju í Fnjóská

Að sögn hans er notast við dróna, sæþotur, báta og straumvatnsbjörgunarfólk sem er í ánni, við leit að manneskjunni. Eins leitar Landhelgisgæslan úr lofti.

„Það er enn fólk á leiðinni og það var verið að bæta í útkallið og teygja það lengra,“ segir Jón Þór.

„Núna eru komnir um 50 manns á svæðið,“ segir Jón.  

Björgunarsveitarbíll í forgangsakstri á Grenivíkurvegi. mbl.is/Þorgerir Baldursson

• Blogga um frétt