„Það kæmi mér mjög á óvart ef það væri ekki,“ segir Benedikt Gunnar Ófeigsson, fagstjóri aflögunarmælinga hjá Veðurstofu Íslands, spurður hvort landris sé farið að mælast við Svartsengi.

Land seig þar um 15 sentimetra í gær þegar eldsumbrot hófust á nýjan leik við Sundhnúkagígaröðina.

Að sögn Benedikts þurfa nokkrir dagar að líða þar til hægt verður að túlka aflögunargögnin frekar. Ekkert lát hafi þó verið á kvikusöfnun í kvikuhólfið undir Svartsengi síðustu mánuði og hefur því landrisið verið nokkuð stöðugt, að því undanskildu þegar land sígur við upphaf eldsumbrota.

Kveðst Benedikt ekki eiga von á breytingu þar á núna og kæmi því á óvart ef landris væri ekki hafið þó svo að of snemmt sé að lesa það úr aflögunarmælingum.

Frétt af mbl.is

Land í Svartsengi seig um 15 sentimetra

Tengdar fréttir

Eldvirkni á Reykjanesskaga

„Eins og staðan er núna þá er þetta ekki að hætta“

• Tekur tilkynningu Veðurstofunnar með fyrirvara
• Veðurstofan bíður nú átekta
• Nýtt kvikuhlaup eða eldgos líklegt á næstu vikum
• Fjárfesting verði 75 milljarðar þegar yfir lýkur

» Fleiri tengdar fréttir

• Blogga um frétt