Virkni kvikustróka við Sundhnúkagígaröðina virðist nú einangrast við sex gosop norðarlega á gossprungunni.

Þetta kemur fram í tilkynningu frá Veðurstofu Íslands.

„Hraunrennsli er nú mest á svæðinu í kringum norðurhluta sprungunnar og við Sýlingarfell. Hægt hefur á framrás hraunrennslis við Grindavíkurveg til móts við Svartsengi og við varnargarðana vestur af Grindavík.“

Þá er tekið fram að sprengivirkni sjáist ekki, dregið hafi verulega úr gosóróa og þar að auki mælist lítil skjálftavirkni.