Kjósa um hvort kjósa eigi um nafn

Ef meirihluti fæst fyrir því að nýtt nafn verði valið á sveitarfélagið verður nafnasamkeppni ýtt úr vör. Í kjölfarið verður þá stefnt að því að blása til íbúakosningar um nýtt nafn á sveitarfélaginu, Skeiða- og Gnúpverjahreppi, samhliða alþingiskosningum að ári.

Sameina sveitina enn frekar

Sylvía Karen Heimisdóttir sveitarstjóri segir að aðdraganda kosningarinnar megi rekja allt til ársins 2002 þegar Skeiðahreppur og Gnúpverjahreppur sameinuðust. Segir hún að nú hafi heyrst háværari raddir í samfélaginu um að sameina mætti sveitina enn frekar og finna sveitarfélaginu nýtt nafn.

Þá viðurkennir sveitarstjórinn að hugsanlega sé núverandi nafn þess ekki það allra þjálasta í orðabókinni.

Nánari umfjöllun er að finna í Morgunblaðinu í gær, 30. maí.