Maðurinn ófundinn: Aðstæður á vettvangi erfiðar

Leit heldur áfram í dag að manninum sem féll í Fnjóska í gær.

Maðurinn er um tvítugt og var á ferð með þremur félögum þegar hann hvarf þeim sjónum í ánni.

Viðbragðsaðilar hafa verið að störfum í nótt en sú leit hefur enn ekki borið árangur. 

Frétt af mbl.is

Leit heldur áfram inn í nóttina

Óska liðsinnis

Í gær kom fram að um 130 viðbragðsaðilar hefðu tekið þátt í leitinni en allar björgunarsveitir á Norðurlandi voru kallaðar út.

Í tilkynningu frá lögreglunni á Norðurlandi eystra í morgun segir að búið sé að óska liðsinnis björgunarsveita á höfuðborgarsvæðinu. Bætast því einhverjir við leitarhópinn í dag.

Aðstæður á vettvangi eru erfiðar og áin mjög lituð. Þá er leitarsvæðið víðfeðmt þegar í ósa árinnar er komið.

Lögreglan kveðst munu veita frekari upplýsingar þegar líður á daginn.

Frétt af mbl.is

Allar sveitir á Norðurlandi kallaðar að Fnjóská

Frétt af mbl.is

Maður um tvítugt féll í Fnjóská: Enn ófundinn

• Blogga um frétt