Tæplega 268 þúsund á kjörskrá
Setja bókamerki
Íslendingar ganga að kjörborðinu á morgun, 1. júní, og kjósa sér sjöunda forseta lýðveldisins frá stofnun þess.
Guðni Th. Jóhannesson forseti Íslands tilkynnti í nýársávarpi sínu að hann myndi ekki sækjast eftir endurkjöri en hann tók við embættinu af Ólafi Ragnari Grímssyni árið 2016.
Utankjörfundarkosning hefur farið fram hjá sýslumönnum og í sveitarfélögum eftir atvikum sem og í sendiráðum og hjá ræðismönnum erlendis.
Heildarfjöldi þeirra sem kosið höfðu utan kjörfundar á hádegi í gær var 30.044 en á sama tíma árið 2016 höfðu 36.137 kosið. Það er nokkru minni kjörsókn en á sama tíma fyrir átta árum eða rúm 11% af heildarfjölda á kjörskrá nú á móti tæpum 15% þá. Á kjörskrá eru 267.528.
Á annað hundrað kjörstaðir
Kjörstaðir sem kosið verður á telja á annað hundrað um allt land og verða þeir almennt opnir frá níu í fyrramálið til tíu annað kvöld með einhverjum undantekningum þó. Frekari upplýsingar um hvenær kjörstaðir eru opnir er að finna á heimasíðum sveitarfélaga. Að loknum kjörfundi verða atkvæði talin í Laugardalshöll, Kaplakrika, Fjölbrautaskóla Suðurlands, Hjálmakletti í Borgarnesi og Háskólanum á Akureyri.
Nánari umfjöllun er að finna í Morgunblaðinu í dag
Gul viðvörun í gildi: Suðaustan stormur
Segja tölur um opinbera starfsmenn skakkar
„Átti von á fleiri útköllum“
Nokkur útköll hjá Landsbjörg
Hækkun skilaði sér til bænda
Íslendingar vanir að klæða sig vel
Fyrsti ríkisstjórnarfundurinn hafinn
„Umferðin greinilega að þyngjast“