Fjölgun á Nesinu á kjördag
Setja bókamerki
Það er heldur betur gleðidagur á Seltjarnarnesi í dag, en álft, sem talið er að sé álftin Svandís Sigurgeirsdóttir, eignaðist unga í dag. Talið er að þeir séu fjórir talsins.
Myndskeið af Svandísi og ungunum má sjá í spilaranum hér að ofan.
Svandís varð landsþekkt árið 1994 þegar hún sást hreiðra um sig í Sigurgeirshólma sem þá hafði nýlega verið reistur í Bakkatjörn. Hólminn var nefndur í höfuðið á Sigurgeiri Sigurðarsyni, fyrrverandi bæjarstjóra Seltjarnarness, sem lét reisa hann.
Vonar að ungarnir lifi
Síðasta sumar eignaðist Svandís tvo unga en þeir voru annað hvort étnir eða drepnir innan sólarhrings frá fæðingu.
Þór Sigurgeirsson, bæjarstjóri á Seltjarnarnesi, segir þessa fjölgun Svandísar ánægjulega. Hann vonast til að ungarnir fái að vera í friði.
„Nú vonum við að þetta gangi vel,“ segir Þór í samtali við mbl.is.
„Umferðin greinilega að þyngjast“
Lítil snjóflóð fallið og vegum lokað á Vestfjörðum
„Hagræðingarmál eru í fyrsta sæti“
Leiðindaveður yfir jólahátíðina
Fyrsti ríkisstjórnarfundurinn hafinn
Hvetja fólk til að huga að niðurföllum