Kjörsóknin ívið betri í þetta sinn
Setja bókamerki
Kjörsókn er ívið betri í þetta sinn í Reykjavíkurkjördæmi suður en í síðustu forsetakosningum.
Þetta staðfesti Leifur Valentín Gunnarsson, oddviti yfirkjörstjórnar Reykjavíkurkjördæmis suður, í samtali við blaðamann mbl.is á staðnum. Hér er hægt að fylgjast með kjörsókn í Reykjavík á hverjum klukkutíma.
Hvernig fer þetta af stað hjá ykkur?
„Þetta fer bara mjög vel af stað, undirbúningurinn er búinn að vera góður og kjörsóknin er ívið betri en í síðustu forsetakosningum þannig það er bara frábært auðvitað,“ segir Leifur.
Vel smurð 700 manna vél í Reykjavík
Er eitthvað sem er öðruvísi en áður en gengur þetta sinn vana gang?
„Þetta gengur allt sinn vana gang, þetta er vel smurð vél hérna í Reykjavíkurborg og frábært starfsfólk á bakvið þetta,“ segir Leifur en um 700 manns starfa við kosningarnar í Reykjavík.
Er eitthvað sem flækir þessar kosningar út frá ykkur séð, ef það eru margir frambjóðendur eða slíkt?
„Nei, nei, að sjálfsögðu ekki. Eins og ég segi, það er fagfólk á bakvið þetta og það skiptir ekki máli hvort það séu tveir eða tólf í framboði, það tæklar þetta af fagmennsku,“ segir Leifur.
Harmar „andstyggileg tímamót“ í stríðinu
Fer fram á þungan dóm yfir Pétri Jökli
Kristrún: Staðan er óboðleg
Brást illa við afturköllun á skotvopnaleyfi
Keypti glock-skammbyssur fyrir 30 milljónir
Sér á eftir mjög fallegu landi og berjamó