Ekkert tilefni til að breyta forgangsröðun

Forgangsröðun jarðgangakosta verður ekki breytt frá því eins og þeir birtast í þingsályktunartillögu um forgangsáætlun fyrir árin 2024-2038, að því er fram kemur í svari innviðaráðherra við fyrirspurn frá Maríu Rut Kristinsdóttur á Alþingi. 

Fyrirspurn vegna snjóflóðahættu 

Spurt var um hvort til greina kæmi að flýta áætluðum framkvæmdum við Súðavíkurgöng samkvæmt jarðgangaáætlun „í ljósi þeirra aðstæðna sem íbúar Súðavíkur og nágrennis búa við vegna snjóflóða- og aurskriðuhættu”.

Frétt af mbl.is

„Það er ekki raunhæft að verja þessa hlíð“

Í svari Svandísar Svavarsdóttur innviðaráðherra kemur fram að hún telji ekki neinar upplýsingar hafa komið fram sem geti réttlætt breytingu á forgangsröðuninni, enda sé hún byggð á vönduðu heildarmati Rannsóknamiðstöðvar Háskólans á Akureyri á Íslandi frá júlí 2023. 

Rannsóknastofnun Háskólans á Akureyri mat alls 18 jarðgangakosti með tilliti til markmiða samgönguáætlunar um greiðar, öruggar, hagkvæmar og umhverfislega sjálfbærar samgöngur og jákvæða byggðaþróun. 

Við forgangsröðunina var jafnframt tekið tillit til þess hversu brýn verkefnin væru talin vera. 

Frétt af mbl.is

18 jarðgöng koma til greina

Stefnt er að því að byggja öll göng­in á næstu þrjá­tíu árum.

• Blogga um frétt