Lítil skjálftahrina hófst við Húsmúla, skammt frá Hellisheiðarvirkjun, upp úr klukkan níu í morgun.

Alls hafa 49 skjálftar mælst á þessu svæði síðasta sólarhringinn en hrinan stóð sem hæst milli klukkan 9 til 14. Stærsti skjálftinn mældist á tíunda tímanum í morgun og var sá 2,9 að stærð.

Hrinan stendur enn yfir þó dregið hafi verulega úr krafti hennar.

Ekki vegna niðurdælingar

Jarðvísindamenn Veðurstofu telja skjálftana ekki til komna vegna niðurdælingar við Hellisheiðarvirkjun.

„Þetta er bara strangheiðarleg skjálftahrina,“ segir Minney Sigurðardóttir, náttúruvársérfræðingur hjá Veðurstofu Íslands, og bætir við að svæðið sé mjög virkt.

Tengdar fréttir

Eldvirkni á Reykjanesskaga

Myndskeið: Rýkur úr sprungu sem klýfur Hagafell

• Sprunga í Hagafelli vekur athygli
• Ráðast í viðgerðir þrátt fyrir viðvaranir
• Engin kvika undir bænum
• Kostnaður áætlaður 8,6 milljarðar

» Fleiri tengdar fréttir

• Blogga um frétt