Vegum lokað vegna veðurs
Setja bókamerki
Ákveðið hefur verið að loka hinum ýmsu vegum vegna óveðursins sem á að skella á nú seinnipartinn. Gular og appelsínugular viðvaranir eru í gildi.
Hringveginum um Mývatns- og Möðrudalsöræfi verður lokað frá klukkan 20:00 í kvöld. Það sama á við um hringveginn um Öxnadalsheiði en honum verður lokað klukkan 22:00. Þá er talið líklegt að vegum verði lokað á Suðausturlandi, milli Skaftafells og Djúpavogs.
Þetta kemur fram í tilkynningu frá Vegagerðinni.
Búist er við því að veður versni eftir því sem líður á daginn og gæti veðrið staðið fram á föstudag. Reiknað er með ofankomu og sviptivindum, þá meira að segja af þeim toga sem sjást oftast aðeins á veturna.
„Auk hríðarveðurs norðan- og norðaustanlands er vakin athygli á sviptivindum suðaustanlands með NV-átt frá því í kvöld. Foráttuhvasst verður á milli Hafnar og Djúpavogs, en hviður yfir 30 m/s frá Eyjafjöllum og austur á Reyðarfjörð,“ segir í tilkynningu Vegagerðarinnar.
/frimg/1/29/58/1295887.jpg)
Tillaga um arð samþykkt
Segir ítrekuð nauðgunarmál hafa komið upp
„Hvað á það að kosta mörg slys?“
Rokselja sólmyrkvaferðir til Íslands
„Ef ég væri leikmaður, þá stæði mér ekki á sama“
Íslendingar hlupu undan vopnuðum manni í Helsinki
Hitinn á pari við Tenerife
Enginn handtekinn en framkoman til skammar