Virknin í eldgosinu í Sundhnúkagígum hefur verið stöðug í nótt. Hrauntjörnin austanmegin við Sýlingafell heldur áfram að hlaðast upp, að sögn náttúruvársérfræðings hjá Veðurstofu Íslands.

Frétt af mbl.is

Hraunið „bunkast upp“ við gígana

„Við erum að fylgjast með því hvort það fari eitthvað úr henni og áfram meðfram Sýlingafelli en það hefur verið mjög hæg hreyfing á því,” segir Jóhanna Malen Skúladóttir, náttúruvársérfræðingur hjá Veðurstofu Íslands.

Byggir upp háa barma

Gígarnir eru þrír talsins. „Það skvettist upp úr þessum stærsta gíg í nótt. Hann hefur verið að byggja upp svolítið háa barma þannig að það sést minna ofan í hann. Það er alla vega einhver kraftur í þessu,” bætir Jóhanna Malen við.

Engin skjálftavirkni hefur verið á svæðinu, segir hún jafnframt aðspurð.

Tengdar fréttir

Eldvirkni á Reykjanesskaga

Kosninga- eða jólagos?

• Gatan í bylgjum og bíllinn hoppaði
• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026

» Fleiri tengdar fréttir

• Blogga um frétt