„Svona viljum við sjá mótmæli“
Setja bókamerki
Lögreglan á höfuðborgarsvæðinu setti upp girðingar í morgun vegna mögulegra mótmæla í tengslum við ríkisstjórnarfund í Skuggasundi. Nokkrir lögreglumenn voru að störfum á svæðinu.
Að sögn Kristjáns Helga Þráinssonar, aðstoðaryfirlögregluþjóns hjá lögreglunni á höfuðborgarsvæðinu, voru fáir mættir til að mótmæla í þetta sinn og fór allt saman vel fram í þann stutta tíma sem mótmælin stóðu yfir
Allt til fyrirmyndar
„Þetta var allt til fyrirmyndar og mótmælin gengu vel. Svona viljum við sjá mótmæli,” segir Kristján Helgi.
Á sama stað í síðustu viku tókust lögreglan og mótmælendur á og beitti lögreglan piparúða eftir að mótmælendurnir reyndu að koma í veg fyrir að ráðherrabílar kæmust burt eftir fundinn.
Blár og marinn á fæti
Einn lögreglumaður þurfti að leita á slysadeild í síðustu viku eftir að ráðherrabíll ók yfir fótinn á honum á meðan á mótmælunum stóð.
Að sögn Kristjáns Helga er lögreglumaðurinn blár og marinn og tognaður á fæti en svo virðist sem öryggisskórnir sem hann var í hafi komið honum til bjargar.
Kourani áfrýjar dómnum
Frömdu hundruð stríðsglæpa í árásinni
Vilja ekki sjá Kjalölduveitu í verndarflokki
Höddi Magg snýr aftur í enska boltann
Gæti tilkynnt varaforsetaefnið á hverri stundu
Íranir hafna allri aðild að banatilræðinu
Kostnaður áætlaður 8,6 milljarðar
„Ekki gera meira af því sama“