Borgarstjórn Reykjavíkur hefur samþykkt tillögu um að borgin fái að láni 100 milljónir evra frá Þróunarbanka Evrópuráðsins (CEB), en upphæðin nemur um 15 milljörðum íslenskra króna.

Borgarstjórn samþykkti þetta á aukafundi sem lauk fyrir skömmu. Tilgangur lánsins er að fjármagna viðhaldsátak í skólahúsnæði borgarinnar.

Lánið er tekið í ljósi áætlunar sem upprunalega var lögð fram í borgarráði 4. nóvember 2021, að því er segir í greinagerð Einars Þorsteinssonar borgarstjóra. Fjárhæðin nemur um 50% af þeirri áætlun sem lá fyrir við upphaf verkefnisins.

„Reykjavíkurborg hóf umfangsmikið viðhaldsátak í skólahúsnæði borgarinnar á árinu 2022 en gert er ráð fyrir að það muni ná yfir næstu fimm ár samkvæmt fjárhagsáætlun til ársins 2028,“ segir i greinargerð borgarstjóra.

Frétt af mbl.is

Boðað til aukafundar í borgarstjórn vegna lántöku

Gengisáhætta vegna lánsins

Einar segir einnig að á síðustu árum hafi borgin að mestu fjármagnað fjárfestingar með útgáfu skuldabréfa á innlendum markaði. „[E]n unnið hefur verið að því að fjölga valkostum í fjármögnun og yrði fjármögnun frá CEB liður í því.“

CEB lánar eingöngu í evrum en að sögn Einars liggur fyrir áhættumat fjármála- og áhættustýringarsviðs vegna gengisáhættu.

Tengdar fréttir

Fjárhagsörðugleikar Reykjavíkurborgar

Engir viðbótarsjóðir í boði

• Óábyrgt að segja allt í blóma
• „Erum að fara vel með hverja krónu“
• Ríkið geti lært ýmislegt af borginni
• „Hér hefur engu verið hagrætt nema sannleikanum“

» Fleiri tengdar fréttir

• 1 blogg um fréttina

Bloggað um fréttina

• Birgir Örn Guðjónsson: Bruðl.