Áfram er virkni í einum gíg í eldgosinu við Sundhnúkagíga en vika er liðin frá því það hófst, það fimmta í röðinni á Sundhnúkagígaröðinni frá því í desember.

Frétt af mbl.is

Óvenjuleg þróun: Land heldur áfram að síga

Að sögn Elísabetar Pálmadóttur, náttúruvársérfræðings á Veðurstofu Íslands, er gosið stöðugt en eftir nokkuð kröftuga byrjun dróst virknin saman í þrjá gíga sem voru virkir um helgina. Í fyrrinótt varð breyting á virkninni og nú er aðeins einn gígur virkur.

„Óróinn er svipaður og virknin er stöðug og það mallar ennþá í þessum eina gíg sem virðist vera virkur,“ segir Elísabet en gígurinn sem ennþá er virkur er staðsettur rétt við þann gíg sem gaus lengst úr í eldgosinu sem hófst 16. mars og endaði 9. maí.

Frétt af mbl.is

Atburðarásin að komast á lokastig

Hraunstraumar úr þeim gíg sem er virkur eru til norðvesturs að Sýlingarfelli og meðfram því að norðan. Einnig eru virkir hraunstraumar til suðurs í átt að Hagafelli.

Tengdar fréttir

Eldvirkni á Reykjanesskaga

„Við erum sátt“

• Yfir 200 skjálftar frá upphafi hrinunnar
• Yfir 140 skjálftar í „ekkert óeðlilegri“ hrinu
• „Reynt að gefa fólki sem mest frí“
• Stór skjálfti hratt af stað öflugri hrinu

» Fleiri tengdar fréttir

• Blogga um frétt