Fær 12 ár fyrir manndráp við Fjarðarkaup
Setja bókamerki
Nítján ára karlmaður var í dag dæmdur í 12 ára fangelsi í Landsrétti fyrir að stinga 27 ára mann frá Póllandi til bana á bifreiðastæði við verslunina Fjarðarkaup í apríl í fyrra.
Hann hafði áður fengið 10 ára dóm í héraði, en Landsréttur þyngdi dóminn. Var talið sannað að maðurinn hafi stungið þann sem fyrir árásinni varð alls sex sinnum, með þeim afleiðingum að fórnarlambið lést.
Þrjú undir aldri
Fjögur ungmenni voru ákærð í málinu, þar af þrír ungir menn fyrir að verða manninum að bana. Var fórnarlambið úrskurðað látið á vettvangi og vakti málið nokkurn óhug.
Aðal árásarmaðurinn var 18 ára og fimm mánaða þegar hann varð Pólverjanum að bana. Tveir aðrir menn undir lögaldri voru í héraði dæmdir í tveggja ára fangelsi fyrir sinn þátt í árásinni. Landsréttur þyngdi dóm þeirra í fjögur ár.
Dómur stúlkunnar mildaður
Sautján ára gömul stúlka hlaut tólf mánaða skilorðsbundinn dóm til fimm ára fyrir brot á hjálparskyldu, en hún tók árásina upp, í héraðsdómi.
Landsréttur mildaði dóm stúlkunnar í 6 mánaða skilorðsbundinn dóm til fimm ára.
Eins og mbl.is greindi frá á sínum tíma þá náðist atburðarásin að miklu leyti á upptöku í nokkrum mismunandi myndskeiðum. Virðast þau sýna það að upptök árásarinnar hafi verið vegna meintrar 5.000 króna fíkniefnaskuldar.
Fórnarlambið var stungið sex sinnum og lést af stungusári beint í hjartað. Alls liðu 8-9 mínútur frá upphafi árásar og þar til fórnarlambið lá í valnum.
Úlfar: Heppileg tímasetning á gosinu
Búseta skortir byggingarlóðir
Hraunið náð Njarðvíkuræð: Fylgjast með raflínu
Sáu eldgosið brjótast út frá Snæfellsnesi
Hraunið við bílastæði Bláa lónsins
Hraun fór yfir Grindavíkurveg
Mæðgur dæmdar til að greiða 64 milljónir