„Ógurlega miklar hörmungar“

„Það hlýtur að koma til álita og jafnvel nauðsynlegt. Þetta eru alveg ógurlega miklar hörmungar sem ganga þarna yfir,“ segir Sigurður Ingi Jóhannsson, fjármála- og efnahagsráðherra, í samtali við mbl.is að loknum ríkisstjórnarfundi í morgun spurður hvort eitthvað verði gert til að koma til móts við bændur.

Trausti Hjálm­ars­son, formaður Bænda­sam­tak­anna, lýsti því í samtali við mbl.is fyrr í dag að margir bænd­ur séu í erfiðri stöðu vegna óvenju langr­ar kuldatíðar. Hann seg­ir mik­il­vægt að hlúa að bænda­stétt­inni og ljóst að ástandið sé farið að taka veru­lega á sál­ar­líf margra. 

Frétt af mbl.is

Kuldatíð tekur verulega á sálarlíf bænda

„Maður finnur til með fólki sem er í búskap og á skepnur og þarf að búa við það að smala öllu saman þegar það er komið út á tún. Fyrir utan jörðina sjálfa sem maður veit ekki hvernig kemur undan þessum „mini“ vetri sem við fengum hérna í júní,“ segir Sigurður.

Frétt af mbl.is

Stofna viðbragðshóp vegna áhrifa kuldatíðar

Bjarkey Olsen Gunnarsdóttir matvælaráðherra stofnaði í dag viðbragðshóp sem ætlað er að meta tjón bænda vegan kuldatíðarinnar. Í hópn­um eru full­trú­ar frá mat­vælaráðuneyt­inu, Bænda­sam­tök­un­um og al­manna­vörn­um, auk þess sem full­trú­ar frá Ráðgjaf­armiðstöð land­búnaðar­ins bætt­ust við hóp­inn í dag. 

• Blogga um frétt