Gleði í Bekkjargöngu Alzheimersamtakanna

Fyrsta Bekkjargangan á vegum Alzheimersamtakanna fór fram í dag. Bekkjargangan er liður að því að stuðla að líkamlegri og félagslegri virkni.

Þetta segir í tilkynningu frá Alzheimersamtökunum.

Fjólubláir bekkir byrjuðu að sjást víða um landið fyrir tveimur árum sem liður í vitundarvakningu Alzheimersamtakanna.

Hátt í hundrað manns mættu í gönguna, sem byrjaði hjá fjólubláa bekknum við Sundhölll Hafnarfjarðar og endaði á St. Jósefsspítala í kaffi.

„Ljóst að þessi viðburður er kominn til að vera,“ segir í tilkynningunni.