„Svolítið skák og mát í augnablikinu“
Guðrún Sigríður Arnalds
Setja bókamerki
Ekki hefur verið tekin ákvörðun um hvort leggja eigi veg yfir hraunið sem rann yfir Grindavíkurveg á laugardag.
Þetta segir Valgarður Guðmundsson, sérfræðingur hjá Vegagerðinni, í samtali við mbl.is.
„Við erum bara að skoða stöðuna, þetta hraun er náttúrulega það þykkt og ennþá á einhverri hreyfingu. Þannig við erum svo sem ekki með neinar hugmyndir um hvað við getum gert í þessu, eins og staðan er núna,“ segir sérfræðingurinn.
Gæti verið færður vestar
Þá segir hann starfsmenn Vegagerðarinnar vera að vega og meta hvort að jafnvel þurfi að færa veginn.
Spurður hvert vegurinn yrði þá færður segir Valgarður það ekki liggja fyrir, en möguleiki sé á því að flytja hann vestar.
„Við erum bara svolítið skák og mát í augnablikinu, og erum núna að leggja mesta áherslu á þessar leiðir suðurfrá til að reyna að hafa þær eins góðar og við getum.“
„Má segja að þetta gos hafi þjófstartað“
Myndir: Grindavíkurvegur aftur undir hraun
/frimg/1/53/7/1530787.jpg)
Flogið á milli ljósaskipta
Fullvissa ferðamenn um að hér sé öruggt
Litlar líkur á að hraunið nái til mannvirkja
Maskína: Framsókn í fallbaráttu