Bjarni ferðaðist í flugvélinni sem fórst

Bjarni Benediktsson forsætisráðherra segir fregnir af dauða varaforseta Malaví, Sau­los Chilima, „hræðilegar“.

Chilima fórst í flugslysi í gær ásamt níu öðrum.

Bjarni fór í op­in­bera heim­sókn til Mala­ví í maí í til­efni af 35 ára sam­starfsaf­mæli land­anna og átti þar í nokkru samneyti við varaforsetann. 

„Þetta eru bara sláandi fréttir,“ segir Bjarni, en í heimsókninni ferðaðist hann sjálfur með flugvélinni sem fórst í gær.

Frétt af mbl.is

Enginn komst lífs af í flugvél varaforsetans

Bjarni steig dans með varaforsetanum í ferðinni í maí.

Flaug í vélinni innanlands

„Flugvélin sem í hlut átti er bara sama flugvélin og ég flaug með milli staða innanlands í Malaví,“ upplýsir hann í samtali við mbl.is eftir ríkisstjórnarfund í dag.

Kveðst Bjarni hafa átt góða fundi og kvöldverð með Chilima og eiginkonu hans í heimsókninni í maí og varaforsetann hafa tekið á móti sér við komuna til Malaví og sömuleiðis fylgt sér upp í flugvélina við heimför.

„Ég hitti hann og eiginkonu hans á menningarkvöldi sem við efndum sameiginlega til og stigum saman dansinn þar,“ segir Bjarni en myndskeið af Bjarna og embættismönnum í Malaví stíga saman dans vakti nokkra lukku hér á landi.

Frétt af mbl.is

Bjarni dansaði með innfæddum undir tónum Herra hnetusmjörs

• Blogga um frétt