Gosmóðu er enn þá vart á suðvesturhelmingi landsins en gildi hafa farið lækkandi frá því fyrr í dag.

Þetta segir Ingibjörg Andrea Bergþórsdóttir, náttúruvársérfræðingur hjá Veðurstofu Íslands.

„Í nótt og á morgun þá snýst í svolítið stífa suðaustan átt og þá gæti þetta farið meira í áttina að Reykjanesbæ og út nesið, ekki yfir höfuðborgarsvæðið,“ segir Ingibjörg.

Von sé þó á lægð sem gæti hreinsað loftið að einhverju leyti.

Þá hreinsast loftið

„Á miðvikudag, fimmtudag, er útlit fyrir hérna á suðvesturhorninu suðaustanátt og rigningu, smá úrkomu. Þá hreinsast aðeins loftið og þessu blæs aðeins meira beint út á haf en stefnan er í rauninni þá yfir Reykjanesbæ,“ segir Ingibjörg.

Samkvæmt gasdreifingarspá á að draga hratt úr mengun yfir höfuðborgarsvæðinu, Selfossi og suðvesturhorninu þegar vindátt snýst í nótt og á morgun.

Tengdar fréttir

Mengun á höfuðborgarsvæðinu

Loftmengun í borginni, Vesturlandi og Suðurlandi

• Gosmóða yfir höfuðborgarsvæðinu
• Loftmengun einskorðast við Reykjanes
• Gosmóða mælist ekki á brennisteinsgasmælum
• Vinnuskólanum lokað og börnin inni vegna mengunar

» Fleiri tengdar fréttir

• Blogga um frétt