Reykjavíkurborg hefur sent frá sér tilkynningu með ráðleggingum fyrir borgarbúa vegna gosmóðu og gasmengunar sem liggur yfir höfuðborgarsvæðinu. Þar segir meðal annars:

„Gosmóða getur orsakað slen, höfuðverk, ertingu í augum og hálsi auk flensueinkenna. Þeir sem eru viðkvæmir fyrir í öndunarfærum og börn ættu að forðast útivist í lengri tíma og takmarka áreynslu.

Þeir sem eru síður viðkvæmir geta einnig fundið fyrir einkennum. Ekki er mælt með því að láta ung börn sofa úti í vagni við þessar aðstæður.“

Frétt af mbl.is

Viðbúið að mengunin verði viðvarandi í dag

Móðan greinist ekki í hefðbundnum mælingum

Í tilkynningu borgarinnar er útskýrt að gosmóða innihaldi mengun sem hefur meðal annars náð að umbreytast í súlfat, sem greinist ekki í hefðbundnum mælingum á brennisteinsdíoxíði. 

Hærri gildi í mælingum á fínna svifryki gefi vísbendingar um að þessi mengun sé til staðar.

Einnig eru hærri gildi brennisteinsdíoxíðs á mælistöðvum víða á höfuðborgarsvæðinu.

Gosmóða, sem einnig er kölluð blámóða, verður til þegar brennisteinsdíoxíð, önnur gös og agnir hvarfast við súrefni og raka með tilstuðlan sólarljóssins.

Blágrái liturinn á gosmóðunni myndast þegar sólarljós brotna á ögnum eða úða hennar.

Frétt af mbl.is

Mikið álag og villandi merkingar

Ráðleggingar vegna mengunarinnar

Almennar ráðleggingar varðandi gasmengun úr tilkynningu Reykjavíkurborgar:

• Lungna- og hjartasjúklingar hafi sín lyf tiltæk.
• Anda sem mest með nefi og forðast líkamlega áreynslu utandyra í mikilli mengun því það dregur úr þeim styrk sem kemst niður í lungu.
• Dvöl innanhúss með lokaða glugga og slökkt á loftræstingu veitir verulega vörn fyrir menguninni.
• Athugið að rykgrímur veita enga vörn gegn gasmengun.

Ráðstafanir til varnar brennisteinsdíoxíði og annarri mengun innandyra:

• Lokið gluggum og minnkið umgengni um útidyr.
• Hækkið hitastigið í húsinu.
• Loftið út um leið og loftgæði batna utandyra.

Tengdar fréttir

Mengun á höfuðborgarsvæðinu

Loftmengun í borginni, Vesturlandi og Suðurlandi

• Gosmóða yfir höfuðborgarsvæðinu
• Loftmengun einskorðast við Reykjanes
• Gosmóða gæti stefnt í átt að Reykjanesbæ
• Gosmóða mælist ekki á brennisteinsgasmælum

» Fleiri tengdar fréttir

• Blogga um frétt