Segir engan úr Polar Nanoq grunaðan um kynferðisbrot
Setja bókamerki
Útgerðarstjóri Sigguk A/S segir fregnir af meintu kynferðisbroti skipverja Polar Nanoq, sem sagt var frá í ríkisútvarpinu um liðna helgi, vera rangar.
Þess í stað segir útgerðarstjórinn Frans Heilmann í samtali við grænlenska miðilinn Sermitsiaq að málið snúist um tilkynningu til lögreglu vegna innbrots um borð í togarann.
Polar Nanoq lagði úr höfn frá Íslandi í gær og að sögn Heilmann voru allir skipverjar um borð. Segir hann að enginn þeirra liggi undir grun um kynferðisbrot.
Að sögn Heilmann hefur málið verið fjölskyldum áhafnarinnar þungbært og að óskiljanlegt sé hvernig ásakanirnar komust á kreik.
Lögreglan með mál til rannsóknar
„Við vitum ekki hvernig svona villandi saga fór af stað. Þetta snýst um tilkynningu til lögreglu um innbrot í Polar Nanoq,“ segir Heilmann.
Grímur Grímsson, yfirlögregluþjónn miðlægrar rannsóknardeildar lögreglu, staðfesti við mbl.is á laugardag að lögreglan væri með mál til rannsóknar vegna gruns um kynferðisbrot en vildi ekki tjá sig um það hvort að það tengdist skipverja á Polar Nanoq.
Hann kvaðst í samtali við mbl.is í dag ekki geta veitt frekari upplýsingar um málið að svo stöddu.
Reiðubúin að aflýsa verkföllum í fjórum leikskólum
Flestir sem hvergi finnast koma frá Sómalíu
Varnargarðar hækkaðir um 3 til 4 metra
50 milljónir eiga að minnka svindl um 1 milljarð
Hulda saksóknari: „Tökum þetta ekki til greina“
Vegirnir voru eins og borðstofuborð
Í kappi við tímann að reyna að afstýra verkfalli