Frá og með deginum í dag munu þeir sem taka rafskútur á leigu innan Kópavogsbæjar fá afslátt af farinu ef þeir leggja skútunum innan skilgreindra svæða við biðstöðvar Strætó.

Um er að ræða samstarfsverkefni Kópavogsbæjar, Strætó og rafskútuleiganna Hopp og Zolo en markmiðið er að hvetja fólk til umhverfisvæns ferðamáta og um leið bæta lagningu rafskúta í bænum. Þetta kemur fram í tilkynningu frá Kópavogsbæ.

Sleppisvæðin svokölluðu verða sýnileg inn í appi rafskútuleiganna en þau eru staðsett þannig að skúturnar verða ekki fyrir gangandi og akandi vegfarendum. 

Kópavogsbær er fyrsta sveitarfélagið sem fer þessa leið en stefnt er á að fjölga rafskútustæðum í bænum þannig að þau verði einnig við sundlaugar, íþróttamannvirki og önnur vinsæl svæði.

Tengdar fréttir

Strætó

Nokkrir bílstjórar fengið áminningu

• Strætó sektar um allt að 15.000 krónur
• Úrskurðarnefnd hafnar kröfu húsfélags
• Auglýsingaskjáir komnir í Strætó
• Fargjöld í strætó hækka

» Fleiri tengdar fréttir

• Blogga um frétt