Fyrsta íbúðarhúsnæðið í 27 ár
Setja bókamerki
Mikil uppbygging á sér stað í Fjarðabyggð um þessar mundir vegna mikillar fólksfjölgunar á svæðinu. Hátt í 5.500 manns eru nú búsettir í Fjarðabyggð.
Aron Leví Beck, skipulags- og byggingafulltrúi Fjarðabyggðar, sagði í samtali við Morgunblaðið að mikil uppbygging hefði átt sér stað frá árinu 2021, en fyrir það hefði verið lítið um lóðaúthlutanir eða byggingarleyfi á svæðinu.
En frá árinu 2021 er búið að byggja, eða eru í byggingu, 37 byggingar, ýmist fjölbýlis-, einbýlis-, par- eða raðhús.
Þá bendir hann á að árið 2021 var byggt fyrsta íbúðarhúsnæðið í Breiðdalsvík í 27 ár, en ekkert íbúðarhúsnæði hafði verið byggt þar síðan árið 1994.
Að sögn Arons eru það ýmist heimamenn, leigufélagið Bríet, sem er í eigu sveitarfélaganna, eða íbúðarfélagið Brák sem helst eru að byggja í sveitarfélaginu.
Fjórðungur landsframleiðslu frá Fjarðabyggð
Aron telur að ein af ástæðunum fyrir auknum fólksflutningum á svæðið sé að í Fjarðabyggð séu miklir atvinnumöguleikar með háum meðaltekjum.
„Þetta er gríðarlegt framleiðslusvæði, hérna búa 5.500 manns og ég held að verg landsframleiðsla í Fjarðabyggð sé ¼ af vergri landsframleiðslu landsins en það búa bara 5.500 manns hérna,“ sagði Aron.
Nokkur útköll hjá Landsbjörg
Gular viðvaranir í dag og á morgun
Íslendingar vanir að klæða sig vel
Hvetja fólk til að huga að niðurföllum
Fundaði með starfsfólki í fjóra tíma í gær
Máttu ekki auglýsa „mesta úrvalið“ og „besta verðið“
Neitaði sök um morð og hryðjuverk