Willum eini gesturinn á fundinum
Guðrún Sigríður Arnalds
Setja bókamerki
Willum Þór Þórsson heilbrigðisráðherra var eini gestur fundar stjórnskipunar- og eftirlitsnefndar Alþingis í morgun. Fundurinn var haldinn í tilefni af frumkvæðisathugun nefndarinnar á netsölu áfengis.
Að sögn Þórunnar Sveinbjarnardóttur, formanns nefndarinnar, var heilbrigðisráðherra boðaður á fundinn vegna bréfs sem hann ritaði á dögunum til fjármála- og efnahagsráðherra um afstöðu sína til þessa málefnis.
Lýkur varla fyrir sumarhlé
„Við eigum eftir að halda fleiri fundi um þetta mál og fá til okkar fleiri gesti,“ segir Þórunn í samtali við mbl.is.
Þá segir hún að umfjöllun nefndarinnar um málið verði líklegast ekki lokið fyrir lok þingstarfa, sem áætluð eru á föstudag.
„Ég hef ekki ráðgert fleiri fundi í bili, en ég þarf að íhuga það með tilliti til starfstíma þingsins. Það er alveg inni í myndinni að taka þráðinn upp aftur eftir sumarhlé og halda þá áfram."
Samfélagsleg umræða tilefni athugunarinnar
Mikið hefur verið rætt um netsölu áfengis á undanförnum þingfundum, en í gær sendi fjármála- og efnahagsráðherra erindi til lögreglunnar á höfuðborgarsvæðinu í tilefni af bréfi heilbrigðisráðherra sem honum barst 5.júní.
Þórunn segir tilefni athugunarinnar þó ekki hafa verið bréf heilbrigðisráðherra, heldur almenn umræða í samfélaginu og þrýstingur frá fulltrúum forvarnarsamtaka.
„Auðvitað reynum við að klára þessa umfjöllun sem fyrst, þótt við vitum ekki alveg hvenær það verður,“ segir hún.
Ráðuneytið fer með rangt mál í samráðsgátt
Staðfestir ótrúlega yfirburði sína
Segja KÍ hafa leitt skólakerfið í öngstræti
Hver var hvati Crooks?
Lausnin er ekki að opna landamærin
Vatn í tankskipum
Kerfisvillan leiðrétt
Fiskifýluna lagði yfir völlinn