Handtaka á nuddstofu tengist ekki Quang Lé
Setja bókamerki
Ekki liggur fyrir hvort farið verði fram á að gæsluvarðhald yfir Davíð Viðarssyni, áður Quang Lé, og fjölskyldu hans eftir helgi.
Gæsluvarðhald yfir Davíð gildir til 17. júní en gæsluvarðhald yfir unnustu hans og bróður til 18. júní. Hafa þremenningarnir setið í gæsluvarðhaldi síðan 5. mars eða í tæpar 15 vikur.
Að sögn Elínar Agnesar Kristínardóttur, aðstoðaryfirlögregluþjóns á höfuðborgarsvæðinu, er enn ýmislegt til skoðunar enda sé mikið af gögnum sem lögregla sé að fara yfir.
Lögregla réðst í yfirgripsmiklar aðgerðir tengdum viðskiptaveldi Davíð og er hann grunaður mansal, peningaþvætti, skipulagða brotastarfsemi og brot á atvinnuréttindum útlendinga.
Aðspurð segir hún handtöku tveggja manna á nuddstofu í síðustu viku, vegna gruns um mansal, ekki tengt máli Davíðs. Mönnunum var sleppt úr haldi eftir yfirheyrslu og segir Elín þá rannsókn enn á grunnstigi.
Þá fengust einnig upplýsingar frá lögreglunni á höfuðborgarsvæðinu um að þrír hafi verið handteknir í heimahúsi í tengslum við mál Davíðs í aðgerðum lögreglu í maí. Þeim var sleppt að loknum yfirheyrslum.
Best að skella á og hringja strax í bankann
J.D. Vance varaforsetaefni Trumps
Mikið magn af rauðvínspóstum eftir helgar
Vilja ekki sjá Kjalölduveitu í verndarflokki
Kourani áfrýjar dómnum
Lífríki Mývatns er að taka við sér
Við höfum „runnið til baka niður brekkuna“