Samninganefnd ríkisins hefur undirritað nýja kjarasamninga við samninganefnd Landssambands lögreglumanna annars vegar og fulltrúa sjö aðildarfélaga BSRB hins vegar. 

Þetta kemur fram í tilkynningu frá BSRB.

Kjarasamningarnir gilda frá 1. apríl 2024 til 31. mars 2028 og fela í sér sambærilegar launahækkanir og samið var um á almennum vinnumarkaði fyrr á árinu. Þar með hefur verið gengið frá kjarasamningum við meirihluta aðildarfélaga BSRB. 

Sjö félög undir

Þau sjö aðildarfélög BSRB sem um ræðir eru: Kjölur, Félag opinberra starfsmanna á Austurlandi, FOSS - stéttarfélag í almannaþjónustu og starfsmannafélög Húsavíkur, Kópavogs, Suðurnesja og Vestmannaeyjabæjar. 

Á næstu dögum verða nýir kjarasamningar kynntir fyrir félagsfólki áður en gengið verður til atkvæðagreiðslu.

Tengdar fréttir

Kjaraviðræður

Vilja hækka frítekjumörk og tekjur

• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms
• Lögreglumenn fella kjarasamning

» Fleiri tengdar fréttir

• Blogga um frétt