Í dag verður breytileg vindátt á landinu, 3-10 m/s og yfirleitt bjart um mest allt land en skýjað á vestanverðu landinu og sums staðar þokuloft við norður og austurströndina.
Hitinn á landinu í dag verður 10-18 stig og verður hlýjast inn til landsins. Í hugleiðingum veðurfræðings á Veðurstofu Íslands segir að þegar líður á daginn gæti gasmóða látið á sér kræla á suðurvesturhorninu. Hægt er að fylgjast með loftgæðum á loftgaedi.is.
Á morgun er því spáð að besta veðrið verði sunnan heiða. Þar verður léttskýjað og gæti hitinn náð allt að 20 stigum. Skýjað verður norðanlands og líkur á þoku við sjóinn fyrir norðan og austan.