Búið að ná tökum á eldinum
Setja bókamerki
Jón Viðar Matthíasson slökkviliðsstjóri segir að búið sé að ná tökum á eldinum í þaki Kringlunnar.
Þar sem eldurinn var, í austurhluta verslunarmiðstöðvarinnar, er slökkviliðið nú byrjað að dæla vatni að þakplötunni.
Verið er að reyna að koma í veg fyrir að meira vatn leki inn í Kringluna sjálfa, en töluvert vatn er á gólfinu, að sögn Jóns Viðars. Þá liggur enn reykjarslæða inni í byggingunni.
Búðareigendum hleypt inn
„Við hvetjum búðareigendur ef þeir vilja vitja um búðir sínar að koma vestan megin að Kringlunni,“ segir hann en þar hleypir slökkvilið eigendum inn til þess að meta ástandið.
Má þá segja að það sé búið að slökkva eldinn?
„Já, það má eiginlega segja það. Það eru einhver smá hreiður sem við erum að taka, en að megninu til erum við búinn að ná utan um það,“ segir Jón Viðar.
Slökkvilið verður áfram að störfum fram eftir kvöldi.
Ekki hafa fengist upplýsingar um hvenær Kringlan opni aftur.
Dæla, kæla og verja mikilvæg mannvirki
Ákærður fyrir stunguárás á menningarnótt
Auka aðgengi að Grindavík
Unnið að hraunkælingu allan sólarhringinn
Vinna hefst í dag við að reisa undirstöður
Vilja 20 ára dóm í frönsku nauðgunarmáli
„Við vöknuðum við hljóð frá sprengingum“
Hvatti kjósendur til þess að greiða ógild atkvæði