Ekki mikil hreyfing á hrauntungunni
Eldgosið við Sundhnúkagígaröðina hefur nú staðið yfir í 17 daga.
mbl.is/Hörður Kristleifsson
Setja bókamerki
Eldgosið við Sundhnúkagíga heldur áfram að malla en það hefur nú staðið yfir í sautján daga eða frá 29. maí.
„Það er áfram að safnast hraun í pollinn fyrir sunnan gíginn og norðvestur af honum. Það er ekki búin að vera mikil hreyfing á hrauntungunni við varnargarðinn,“ segir Lovísa Mjöll Guðmundsdóttir, náttúruvársérfræðingur á Veðurstofu Íslands, í samtali við mbl.is.
Hún segir að skjálftavirknin á svæðinu sé lítil.
Það er hægur vindur við gosstöðvarnar og mengun af gosinu er að mestu leyti nálægt gígnum, en þegar líður á daginn fer að blása aðeins úr norðri og þá mun gosmökkurinn leita til sjávar.
Hægt er að fylgjast með gasmengun í rauntima á vefnum loftgaedi.is.
Funda með þingflokkum
Fyrsti blaðamannafundurinn í heild sinni
Forstjóri bendir á ábyrgð birgja vegna verðhækkana
Bjarni: „Útilokað að þetta geti gengið upp“
„Tímabil aukinnar eldvirkni“
Hrikalegt að heyra fréttirnar
Stormur á Þorláksmessu en víðast hvar stefnir í hvít jól
