Erill á Bíladögum en spólað í kvöldsólinni

Bíladagar fara fram á Akureyri um helgina og eru þeir að venju fjölsóttir.

Andri Freyr Sveinsson, varðstjóri hjá lögreglunni á Norðurlandi Eystra, giskar á að einhver þúsund manns séu í bænum fyrir hátíðina, en það sé erfitt að segja til um nákvæman fjölda gesta.

Margmenni á Bíladögum á Akureyri í kvöld. mbl.is/Þorgeir

„Það er búið að ganga ágætlega. Það er búið að vera mikill erill en ekkert sem við höfum ekki getað leyst,“ segir Andri Freyr, í samtali við mbl.is.

mbl.is/Þorgeir

„Við höfum verið með mikla löggæslu á svæðinu og mikinn viðbúnað. „So far so good,“ ef maður slettir aðeins,“ segir Andri.

• Blogga um frétt