„Búið að skvettast vel upp úr gígnum“
Eldgosið við Sundhnúka hefur nú staðið yfir í 19 daga.
mbl.is/Eggert Jóhannesson
Setja bókamerki
„Það er búið að skvettast vel upp úr gígnum í alla nótt en hraunjaðrarnir eru ekkert að færast í bili.“
Þetta segir Jóhanna Malen Skúladóttir, náttúruvársérfræðingur á Veðurstofu Íslands, í samtali við mbl.is en eldgosið við Sundhnúkagíga hefur nú staðið yfir í 19 daga, eða frá því 29. maí.
Jóhanna segir að í gígnum sé enn nokkuð stöðug virkni og í nótt hafi ekkert borið á hreyfingu á hrauntungunni við varnargarðinn.
Það er hægur vindur á svæðinu og segir Jóhanna að gasmengun geti borist yfir höfuðborgarsvæðið seinni partinn í dag en annars sé hún nokkuð staðbundinn við Reykjanessvæðið. Hún segir að í kvöld geti borist gasmengun yfir Selfoss og á fleiri staði á Suðurlandi.
Hægt er að fylgjast með gasmengun í rauntíma á vefnum loftgaedi.is
Alvarleg netárás á Wise
Bjarni: „Útilokað að þetta geti gengið upp“
Þetta eru ráðherrar ríkisstjórnarinnar
Forstjóri bendir á ábyrgð birgja vegna verðhækkana
Fyrsti blaðamannafundurinn í heild sinni
„Börn heima sem maður myndi vilja hafa í skjóli“
Stormur á Þorláksmessu en víðast hvar stefnir í hvít jól
