Björn Leví Gunnarsson, þingmaður Pírata, segir að hann hallist að því að greiða atkvæði með vantrauststillögu Miðflokksins gegn Bjarkeyju Olsen Gunnarsdóttur matvælaráðherra.

„Ég er grænni en rauðari,“ segir Björn Leví í samtali við mbl.is.

Hann segir þingflokkinn eiga eftir að fara yfir vantrauststillöguna og gat því ekki sagt til um það hvað þingmenn Pírata muni gera þegar kosið verður um tillöguna.

Miðað við hefð má gera ráð fyrir því að atkvæðagreiðslan verði á morgun eða hinn.

Frétt af mbl.is

Leggja fram vantrauststillögu í dag

Byggt á málefnalegum grundvelli

„Þetta er stjórnsýsluleg vantrauststillaga, miðað við uppleggið, og það er ansi margt á bak við þá tillögu. Þannig við komum til með að taka vel þátt í umræðunum og skoða málið út frá þeim vinkli, því hann er mjög málefnalegur,“ segir Björn Leví.

Hanna Katrín Friðriks­son, þing­flokks­formaður Viðreisn­ar, sagði í sam­tali við mbl.is fyrr í dag að óhætt væri að fullyrða að þing­menn Viðreisn­ar myndu greiða at­kvæði með tillögunni.

Frétt af mbl.is

Viðreisn mun styðja vantrauststillöguna

Miðflokk­ur­inn lagði fram til­lög­una í dag og var henni dreift til þing­manna við upp­hafi þing­fund­ar.

Ástæðan er fram­ganga henn­ar í hval­veiðimál­inu, en vegna óvenju langs tíma til leyf­is­veit­ing­ar af hálfu matvælaráðuneytisins stefn­ir allt í að eng­in vertíð verði hjá Hvali hf. í sum­ar.

Tengdar fréttir

Hvalveiðar

Lög um hvalveiðar úrelt og krefjast endurskoðunar

• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna
• Ekki rætt um hvalveiðar

» Fleiri tengdar fréttir

Vantraust á Bjarkeyju

Jón segist ekki skulda Bjarkeyju

• Hljómar eins og „Úlfur! Úlfur!“
• Bergþór: Tóku ábyrgð á stjórnsýslu Bjarkeyjar
• Bjarkey um Jón: „Ég er auðvitað ósátt“
• Jón sat á endanum hjá

» Fleiri tengdar fréttir

• Blogga um frétt