Framsóknarmenn munu verja matvælaráðherra
Setja bókamerki
Ingibjörg Ólöf Isaksen, þingflokksformaður Framsóknarflokksins, segir þingmenn Framsóknar ætla að verja Bjarkeyju Olsen Gunnarsdóttur matvælaráðherra gegn vantrauststillögunni sem Miðflokksmenn lögðu fram á Alþingi í dag.
Hún segir engan þingfund skipulagðan til að ræða tillöguna. Þá segist hún ekki vita til þess að málið hafi verið rétt sérstaklega á milli stjórnarflokkanna.
Hefðu kosið styttri málsmeðferðartíma
Þingmenn Miðflokksins lögðu fram vantrauststillögu á Bjarkeyju Olsen á þingi í dag. Bergþór Ólason, þingmaður flokksins, segir ástæðuna vera framgöngu ráðherra í hvalveiðimálinu.
Hvalur óskaði eftir endurnýjum leyfis til veiða á langreyðum 30. janúar og var umsóknin fyrst afgreidd tæpum fjórum og hálfum mánuði síðar. Þá gildir leyfið aðeins út yfirstandandi ár.
Ingibjörg kveðst taka undir að málsmeðferðartíminn hefði mátt vera skemmri.
Út frá þeim lögum sem séu í gildi í dag sé heimilt að veiða hval og því hefði verið eðlilegt að veita leyfið til lengri tíma.
50 milljónir eiga að minnka svindl um 1 milljarð
Vika í kosningar: Þetta segja kannanir
„Höfum sloppið bærilega með skaða af þessu gosi“
Vegirnir voru eins og borðstofuborð
Sjötti ferðamaðurinn er látinn
Hulda saksóknari: „Tökum þetta ekki til greina“
Hentugt gos fyrst gýs á annað borð