Flokkur fólksins mun ekki verja Bjarkeyju Olsen Gunn­ars­dótt­ur mat­vælaráðherra vantrausti. 

„Það mun enginn verja þessa ríkisstjórn eða neinn ráðherra hennar vantrausti,“ segir Inga Sæland, formaður Flokks fólksins í samtali við mbl.is spurð hvort hún telji að þingmenn flokksins muni verja Bjarkeyju vantrausti. 

„Það er alveg kýrskýrt.“

Frétt af mbl.is

Leggja fram vantrauststillögu í dag

Þing­menn Miðflokks­ins lögðu fram van­traust­stil­lögu á Bjarkeyju Ol­sen á þingi í dag. Bergþór Ólason, þingmaður flokks­ins, seg­ir ástæðuna vera fram­göngu ráðherra í hval­veiðimál­inu.

Hval­ur óskaði eft­ir end­ur­nýj­um leyf­is til veiða á langreyðum 30. janú­ar og var um­sókn­in fyrst af­greidd tæp­um fjór­um og hálf­um mánuði síðar. Þá gild­ir leyfið aðeins út yf­ir­stand­andi ár.

Snúið fyrir sjálfstæðismenn að verja vantraustið

Ertu bjartsýn á vantrauststillagan nái fram að ganga? 

„Nei ekki frekar en venjulega. Þeir [stjórnarflokkarnir] eru með mjög mikinn meirihluta, en það verður snúið samt sem áður fyrir sjálfstæðismenn að verja hana vantrausti, en ég býst við að þeir geri það,“ segir Inga og bætir við: 

„Það er líka snúið fyrir þá [sjálfstæðismenn] að sprengja þetta stjórnarsamstarf núna þegar flestir stjórnarflokkarnir virðast vera með verulega lítið fylgi og lítið traust til þeirra er borið. Þau reyna að hanga á þessum völdum eins og hundar á roði þannig að þau munu væntanlega verja hana vantrausti.“ 

Frétt af mbl.is

Munu ekki funda um vantraustið í dag

Ákall um að ráðherrar fari að axla ábyrgð 

Aðspurð segir Inga prinsipp mál að fara fram með tillöguna þrátt fyrir að litlar líkur séu á að hún nái fram að ganga. Þá minnir hún á að tillagan komi frá Miðflokknum vegna þess að flokksmönnum þess flokks hafi fundist Bjarkey fara á svig við vandaða stjórnsýsluhætti. 

„Það er nú kannski farið að verða meiri ákall á að þessir blessuðu ráðherrar fari nú aðeins að axla ábyrgð af og til á verkunum sem þeir vinna,“ bætir Inga við og heldur áfram: 

„En meginreglan er svo sem ekki sú. Við höfum að minnsta kosti ekki séð það raungerast hérna að ráðherrar axli ábyrgð.“

Frétt af mbl.is

Segir Miðflokksmenn leggjast lágt

„Þeir bjarga sér ekki á því að brjóta lög“

Inga rifjar upp að hún hafi lagt fram vantrauststillögu á alla ríkisstjórnina um daginn þar sem þrír ráðherrar voru undir en ekki bara einn.

„Það var ekki bara Svandís sem átti skilið sérstaka umfjöllun á sínum tíma heldur í rauninni líka Bjarni Benediktsson og Guðbrandur Ingi Guðbrandsson.“ 

„Það er nú eins og það sé að ganga vírus þarna inni hjá VG. Það er einhver valdaníðsluvírus sem ríður röftum hjá Vinstri grænum, það er nokkuð ljóst.“

Spurð hvort hún telji ráðherrar Vinstri grænna vera að grípa til örþrifaráða til að bjarga flokknum frá því að falla af þingi svarar Inga:  

„Já, en ég meina þeir eru alltaf að brjóta lög eða fara á svig við lög. Þeir bjarga sér ekki á því að brjóta lög, þetta er bara svo mikill valdahroki.“

Frétt af mbl.is

Hyggst enn leggja fram vantrausttilögu

Tengdar fréttir

Hvalveiðar

Fjögur fyrirtæki sótt um leyfi til hvalveiða

• Fátt um svör vegna Black Cube
• „Er í mínum huga engin frétt“
• Ríkislögreglustjóri kannar málsatvik
• Jón „mun ekki koma nálægt meðferð hvalamálsins“

» Fleiri tengdar fréttir

Vantraust á Bjarkeyju

Jón segist ekki skulda Bjarkeyju

• Hljómar eins og „Úlfur! Úlfur!“
• Bergþór: Tóku ábyrgð á stjórnsýslu Bjarkeyjar
• Bjarkey um Jón: „Ég er auðvitað ósátt“
• Jón sat á endanum hjá

» Fleiri tengdar fréttir

• Blogga um frétt