Ákveða nafn á sameinað sveitarfélag í dag

Seinna í dag mun sveitarstjórn sameinaðs sveitarfélags Vesturbyggðar og Tálknafjarðar ákveða hvert nafn sveitarfélagsins verður til frambúðar.

Þetta segir Gerður Björk Sveinsdóttir, starfandi sveitarstjóri sameinaðs sveitarfélags Vesturbyggðar og Tálknafjarðar, í samtali við mbl.is.

Nöfnin sem sveitarstjórnin mun gera upp á milli eru Suðurfjarðabyggð, Kópsbyggð, Vesturbyggð, Barðsbyggð, Látrabyggð og Tálknabyggð.

Frétt af mbl.is

Sveitarfélögin verða sameinuð

Framkvæmdu skoðanakönnun

Til hliðsjónar við ákvörðunina er skoðanakönnun sem gerð var meðal bæjarbúa þar sem þeir fengu að velja á milli fyrrnefndra nafnhugmynda.

Í október á síðasta ári ákváðu bæjarbúar að sameina sveitarfélögin og þann 4. mars gengu bæjarbúar nýsameinaðs sveitarfélags til sveitarstjórnarkosninga.

Frétt af mbl.is

Ný sýn hlaut flest atkvæði

• Blogga um frétt