Ferðamenn sóttir á Svínafellsjökul

Þyrla Landhelgisgæslunnar sótti seint í gærkvöldi sjö erlenda ferðamenn sem voru staddir uppi á Svínafellsjökli í leiðinlegu veðri.

Að sögn varðstjóra hjá Gæslunni barst útkallið um ellefuleytið í gærkvöldi. Hugsanlega var einn ferðamaðurinn fótbrotinn, auk þess sem fólkið var uppgefið, og var því ákveðið að flytja allt fólkið á brott. 

Það var flutt á sjúkrahúsið á Höfn í Hornafirði en þyrlan var komin aftur til Reykjavíkur um fjögurleytið í nótt.

Þyrla Landhelgisgæslunnar á flugi. mbl.is/Eggert Jóhannesson

• Blogga um frétt