Höfðu afskipti af fimm leigubílstjórum
Setja bókamerki
Lögreglan hafði afskipti af fimm leigubílstjórum í Reykjavík og voru þeir boðaðir í frekari skýrslutöku.
Þetta kemur fram í dagbók lögreglunnar á höfuðborgarsvæðinu vegna verkefna frá klukkan 17 í gær til klukkan 5 í morgun.
Fjöldi leigubílstjóra var tekinn fyrir um nýliðna helgi vegna skorts á tilskyldum leyfum og ýmsu öðru í eftirlitsrassíu lögreglunnar á höfuðborgarsvæðinu.
Lögreglunni barst tilkynning um þjófnað úr verslun í hverfi 220 í Hafnarfirði og er ekki vitað hver var að verki. Einnig barst tilkynning um innbrot og þjófnað úr geymslu í sama hverfi. Ekki er heldur vitað hver var þar að verki.
Þrjú umferðaróhöpp
Lögreglunni barst tilkynning um þrjú umferðaróhöpp á vaktinni. Tvö þeirra urðu í Kópavogi, annars vegar í miðbænum og hins vegar í hverfi 201. Minniháttar meiðsli urðu á fólki í fyrrnefnda óhappinu en engin í því síðarnefnda.
Þriðja óhappið varð í hverfi 113 í Reykjavík. Ökumaðurinn er grunaður um ölvun við akstur. Hann var fluttur á slysadeild til frekari skoðunar og blóðsýnatöku.
Tilkynnt var um innbrot og þjófnað úr bifreið í Vesturbænum. Gerandinn er ókunnur. Einnig barst tilkynning um slagsmál í miðbæ Reykjavíkur. Þegar lögreglan kom á vettvang var ekkert að sjá.
Beint: Ný ríkisstjórn tekin við völdum
Forstjóri bendir á ábyrgð birgja vegna verðhækkana
Bjarni: „Útilokað að þetta geti gengið upp“
Stormur á Þorláksmessu en víðast hvar stefnir í hvít jól
„Börn heima sem maður myndi vilja hafa í skjóli“
Fyrsti blaðamannafundurinn í heild sinni
Þetta eru ráðherrar ríkisstjórnarinnar
Funda með þingflokkum
